Иванова Ливада или Икона — археолошко наоѓалиште во селото Велмеј во областа Дебрца. Претставува раносредновековна црква и некропола. Во јужниот дел на именуваната нива, која лежи лево од патот Велмеј - Лешани, на 1 км југозападно од селото, се наоѓа, зарамнета височинка формирана од урнатини на црковна градба. На нејзината средина стои бигорна плоча со димензии: 1.37 × 0.745 (0.685) × 0.11 м. Во горниот дел е вдлабена полукружна ниша(0.23 × 0.18 × 0.03 м), покрај која лево и десно е вдлабен натпис во три реда со старословенски букви Своевремено плочата била дел од надгробна конструкција. Наоколу се забележуваат остатоци од основата на надградбата.